Myanmar Milli Kitabxanasına Azərbaycan dilində kitab və jurnal hədiyyə edilib

Myanmar Milli Kitabxanasına (National Library of Myanmar) ilk dəfə #Azərbaycan dilində kitab və jurnallar təqdim olunub.
📌 https://t.co/3kQFMXBNex pic.twitter.com/naXqPe5EgK

— Azerbaijani Diaspora (@DiasporaAz) January 6, 2023

, 2023
Myanmar Milli Kitabxanasına Azərbaycan dilində kitab və jurnal hədiyyə edilib

Myanmar Milli Kitabxanasına (National Library of Myanmar) ilk dəfə Azərbaycan dilində kitab və jurnallar təqdim olunub.

Bu məqsədlə Neypyido (Naypyitaw) şəhərində yaşayan “NayPyiTaw Beynəlxalq Elmlər Akademiyası” beynəlxalq məktəbinin direktoru, diaspor fəalı Elşən Bənnayev kitabxananın müdiri Pyone Pyone Aye (Daw) ilə görüşüb. Azərbaycanın görkəmli yazıçısı Cəlil Məmmədquluzadənin “Saqqallı uşaq” hekayələr toplusunu və “Çapar” tarix dərgisini kitabxana müdirinə təqdim edən Elşən Bənnayev ölkəmizin qədim tarixi və zəngin mədəniyyəti haqqında məlumat verib.

Kitabxana müdiri Pyone Pyone Aye soydaşımızın bu təşəbbüsünü təqdir edib və Milli Kitabxananın kolleksiyasının Azərbaycan dilində kitab və jurnalla zənginləşdirilməsindən məmnun qaldığını söyləyib.

Qeyd edək ki, Myanmar Milli Kitabxanasının tarixi 21 fevral 1883-cü ildən başlayır. Həmin dövrdə Aşağı Myanmar üzrə britaniyalı komissar Çarlz Edvard Bernar Aşağı Myanmarın Təhsil sindikatının sədri Con Cardinlə birlikdə pulsuz istifadə üçün Bernarın Azad Kitabxanasını yaradıb. Sonradan kitabxana digər ölkələrdən gətirilmiş kitablarla və yerli əlyazmalarla zənginləşdirilib.

1952-ci ildə Myanmar dövlət müstəqilliyini əldə etdikdən sonra Bernarın Azad Kitabxanası dövlət təşkilatına çevrilib və Myanmarın Milli Kitabxanası adlandırılıb.

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/myanmar-milli-kitabxanasina-azerbaycan-dilinde-kitab-ve-jurnal-hediyye-edilib-2166

Myanmar Milli Kitabxanasına (National Library of Myanmar) ilk dəfə #Azərbaycan dilində kitab və jurnallar təqdim olunub.
📌 https://t.co/3kQFMXBNex pic.twitter.com/naXqPe5EgK
— Azerbaijani Diaspora (@DiasporaAz) January 6, 2023